Elmi istiqamət və elmi-tədqiqat mövzuları

İstiqamət: Fəlsəfə tarixi

Problem:

1.Müasir dövrdə milli fəlsəfənin özünəməxsusluğu(2024)

2.Texnogen sivilizasiya şəraitində modernist və ənənəvi dəyərlərin qarşıdurmasına fəlsəfi baxış (2025)

3.İnformasiyalı cəmiyyətdə dinin sosio-mədəni dəyəri (2026)

Mövzu: Müasir fəlsəfənin konseptual problemləri (2024-2026)

Əsaslandırma:

Aktuallığı: Müasir dövrdə tarixi-fəlsəfi irsin araşdırılması milli fəlsəfənin özünəməxsusluğunun tədqiqi ilə yanaşı bəşəriyyətin gəlcək inkişaf perspektivlərininanalizi, informasiyatexnologiyalarının cəmiyyəthəyatına təsirinin sosial-fəlsəfi aspektinin analizi, yenimədəniyyət məkanınınformalaşması fonunda insanınfərdi özünüifadəsi, öz intellektual imkanlarını səfərbər etməsi,çeşidli mədəniyyətlərin ahənginə yönəlmiş bəşəri ideyaların hər bir insanın həyat amalına çevrilməsi kimi problemlər öz aktuallığınıqoruyub saxlamaqdadır. Bubaxımdan elmi tədqiqat mövzusu yeni çağırışlara cavab verir. Bəşəriyyətin inkişaf tarixində köklü dəyişikliklərlə müşayiət olunan ziddiyyətli, “böhran” adlandırılan dövrlər həmişə mövcud olmuşdur. İnsanlıq bu mərhələdən möhtəşəm mənəvi, fəlsəfi, mədəni dəyər və meyarlar sistemi yaratmaqla çıxa bilmişdir. Yaşadığımız qlobal reallığı dərk etmək, müasir sosial-mədəni dinamikanın gerçək mənzərəsini formalaşdırmaq fəlsəfə elmi qarşısına mühüm vəzifələr qoyur. Müasir dövrdə baş verən fundamental dəyişikliklər, informasiya inqilabı nəticəsində yaranan gibernetik məkan və ya virtual reallıq XXI əsrin insanının dünyagörüşünə, dünyaduyumuna, hadisələrə münasibətinə ciddi təsir göstərir, bir sıra mühüm dəyərlər, anlayışlar yeni məzmun kəsb etməyə başlayır. Belə bir şəraitdə sosial-mədəni dinamikanın gerçək mənzərəsini formalaşdırmaqfəlsəfə elmi qarşısında mühüm vəzifələrdən birinə çevrilir. Formalaşan texnokratik, praqmatik düşüncə tərzini izah etmək,mədəni-etik paradiqmaların perspektivlərini müəyyənləşdirmək ən aktual məsələdir. XXI əsrin fövqəlmürəkkəb məkanlarında uğurla irəliləmək olduqa çətindir. Belə bir şəraitdə fəlsəfə cəmiyyətin inkişaf tendensiyaları ilə ayaqlaşmağa, insanların praktiki və idraki fəaliyyətinin mahiyyətini izah etməyə, varlığın funtamental prinsiplərinə münasibətdə yaranan yeni baxışların məzmun və mahiyyətini araşdırmağa məcburdur. XX əsrdə yaranmış çoxsaylı problemlər müasir dövrdə ümumiləşərək həyatın mənası, bəşəriyyətin öz varlığını qoruması şəklini alır. Müasir fəlsəfə daha tolerant olub insana çoxsaylı nəzəriyyələr içərisində seçim haqqı tanıyır. Müasir fəlsəfə mütləq həqiqət olmaq iddiasından uzaqdır. Yeni dövr fəlsəfi bilik qarşısında yeni prioritet problemlər irəli sürür. Bəşəriyyətin öz varlığını qoruyub saxlaması, insanın ali-mənəvi dəyərləri qorumaq üçün məsuliyyət hissinin artması, yeni texnologiyaların irəli sürdüyü mənəvi dilemmalar, süni intellekt qarşısında öz gerçək təbiətini itirməməsi, tolerantlıq və sosial ədalət prinsipinin əqidə simvoluna çevrilməsi kimi məsələlər, prioritet problemlər önə çıxır. Fəlsəfənin statusuna, fəlsəfənin gərəksizləşməsinə yönəlmiş təlimlərin təkzibi xüsusi aktuallıq kəsb edir.

İş I: Müasir dövrdə türk dünyasının fəlsəfi irsinin tədqiqi

Mərhələ 1. Türk dünyasının fəlsəfi irsinin tədqiqi Şərq- Qərb münasibətləri kontekstində

Mərhələ 2. XXI əsrdə müstəqil türk dövlətlərinin münasibətlərinin yeni tarixi forması olan Avrasiyaçılıq fəlsəfəsi. Mədəni irsin qorunması və gələcəyə translyasiyası

Mərhələ 3. XXI əsrdə türk xalqlarının fəlsəfi fikrinin inkişafında yeni mərhələ-milli özünüdərk, milli kimlik probleminə dair yeni baxış və ideyalar.Türk xalqlarının fəlsəfi fikrinin milli mental xüsusiyyətləri.