Autizm və onunla mübarizə
Sosial elmlər və psixologiya fakültəsinin müvafiq ixtisasları üzrə (psixologiya, sosiologiya, təhsildə sosial-pedaqoji xidmət) təhsil alan tələbələr “İnternational Language And Business Services MMC ” tərəfindən keçirilən “Autizm və onunla mübarizə” adlı sosial layihədə iştirak ediblər. Mərkəz əməkdaşları müxtəlif vaxt aralığında tələbələrlə müvafiq işlər həyata keçirirlər. Proqramda iştirak edən tələbələrin təlim müddəti üç ay (may, iyun və sentyabr) davam edəcək. Təlimlər Azərbaycan, Rus və İngilis dillərində aparılacaq. Tələbələrlə mərkəz əməkdaşları müntəzəm görüşlər keçirirlər. Növbəti həftələrdən etibarən müxtəlif dillərdə təhsil alan tələbələrin layihədə səmərəli iştirakını təmin etmək üçün ayrı-ayrı qruplar yaradılacaq. Tələbələrin sosial yönümlü layihədə iştirakını təmin etmək və mərkəzlə müntəzəm əlaqə saxlamaq üçün fakültədə “Autizm” adlı whatsapp qrupu yaradılıb. “İnternational Language And Business Services MMC ” mərkəzindən verilən bütün məlumatlar bu qrup vasitəsilə tələbələrə tez bir zamanda çatdırılır. Təlim prosesinin sonunda tələbələrimizin mərkəzlə əməkdaşlığına həsr olunmuş tədbirin keçirilməsi nəzərdə tutulur.
