BDU-NUN ŞƏHİD MƏZUNU ERKİN HÜSEYNOVUN MƏZARI ZİYARƏT OLUNUB
Bakı Dövlət Universiteti (BDU) Sosial elmlər və psixologiya fakültəsinin şəhid məzunu Erkin Ədalət oğlu Hüseynovun məzarı ziyarət edilib. Fakültənin Fəlsəfə tarixi və mədəniyyətşünaslıq kafedrasının dosenti Ülviyyə Ağabəyova, Fəlsəfə ixtisası üzrə təhsil alan II və III kurs tələbələri, həmçinin şəhidin qrup yoldaşı Səbinə Hüseynova E.Hüseynovun Gəncə Şəhidlər Xiyabanında yerləşən məzarını ziyarət edib, mərhumun ailə üzvləri ilə görüşüblər.
Xatırladaq ki, ailənin yeganə övladı olan Erkin Hüseynov Erkin Hüseynov Bakı Dövlət Universitetinin Sosial elmlər və psixologiya fakültəsində Fəlsəfə ixtisası üzrə təhsil alıb. 12 sentyabr 2022-ci ildə Ermənistan silahlı qüvvələrinin təxribatı nəticəsində Kəlbəcər rayonunda Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edib, yaralı dostunu xilas edərkən şəhid olub.
Allah rəhmət eləsin!