DOSENTİMİZ SİMPOZİUMDA İŞTİRAK EDİB
Bakı Dövlət Universitetinin (BDU) Sosial elmlər və psixologiya fakültəsi Pedaqogika kafedrasının dosenti Kəmalə Qəhrəmanova 1-4 noyabr 2023-cü il tarixlərində İzmirin Ege Universitetində keçirilən “Türk dünyasının modernləşməsi: Türk Dünyası Roman və Hekayə Simpoziumu”nda iştirak edib. Simpoziumun təşkilat və elm komitəsində yer alan K.Qəhrəmanova simpoziuma qələmə aldığı “Qarabağın göz yaşları - uşaqlar” adlı hekayələr kitabı ilə qatılıb. Kitabda müharibənin törətdiyi dəhşətli hadisələrin şahidi və qurbanı olmuş insanların, kiçik yaşlı uşaqların mənəvi sarsıntıları, müharibə faciələrinin azyaşlıların həyatına təsiri məsələləri özünün bədii əksini tapıb. Müəllif “Qarabağın göz yaşları - uşaqlar” adlı hekayələr kitabında hər cür çətinliyə sinə gərərək mübarizə aparan, vətəninə, torpağına, dəyərlərinə sadiq qalaraq sonunda öz doğma yurd yerlərinə qəhrəman kimi qayıdan uşaqların mücadiləsini böyük ustalıqla qələmə alıb. Kitab simpozium iştirakçılarının böyük marağına səbəb olub və müəllifə xeyli sayda suallar ünvanlanıb.