Bakı Dövlət Universiteti Sosial elmlər və psixologiya fakültəsi

13.12.2024 cü il tarixində  Bakı Dövlət Universiteti (BDU) Sosial elmlər və psixologiya fakültəsinin Tələbə Gənclər Təşkilatının təşəbbüsü ilə “Əbədiyaşar irs və milli dəyərlər” adlı tədbir keçirilib. Əvvəlcə Azərbaycan Respublikasının Dövlət himni səsləndirilib, Vətənimizin ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib. Sonra çıxış üçün söz fakültənin Sosial məsələlər və tələbələrlə iş üzrə dekan müavini Nəzakət Kərimovaya verilib. Dekan müavini çıxışında bildirib ki, Azərbaycan xalqı hər zaman milli dəyərlərinə sadiq olub, onları göz bəbəyi kimi qoruyaraq nəsildən-nəslə ötürüb. Həm Azərbaycan xalqının formalaşmasında, həm də milli dövlətçiliyimizin möhkəmləndirilməsində bu dəyərlərin böyük təsiri olub. Nəzakət Kərimova daha sonra Ümummilli lider Heydər Əliyevin ictimai-siyasi fəaliyyəti, mənalı ömür yolu haqqında məlumat verib. Tədbirdə fakültənin Tələbə Gənclər Təşkilatının fəal üzvlərindən Zəhra Nəcəfzadə, Mehriban Dadaşova, Camalə Vəlizadə, İlayda Abusəttdar və Ulvi Nəbiyev Ümummilli lider Heydər Əliyevə həsr edilmiş şeirlər ifa ediblər.