Bakı Dövlət Universiteti Sosial elmlər və psixologiya fakültəsi

Bakı Dövlət Universiteti (BDU) və “Azərbaycan Nəşriyyatları Assosiasiyası” İctimai Birliyinin birgə təşkilatçılığı ilə 23 aprel - Ümumdünya Kitab və Müəlliflik Hüququ Gününə həsr olunmuş Kitab Sərgisi keçirilib. BDU-nun həyətində keçirilən sərgidə ölkənin 30-dək tanınmış nəşriyyatı və kitab mağazası iştirak edib. Kitab sərgisində Sosial elmlər və psixologiya fakültəsi Pedaqogika kafedrasının əməkdaşlarının kitabları nümayiş etdirilib. Pedaqogika kafedrasının professoru  Nübar Muxtarovanın “Гейдар Алиев: Путь к возвышению начинается с Родины!” kitabı sərgi iştirakçılarının diqqətinə təqdim olunub. Bundan başqa professor Məcid İsmixanov və pedaqogika üzrə fəlsəfə doktoru  Vəfa Çıraqovanın birgə hazırladıqları  “Məktəbin idarə edilməsi” adlı dərs vəsaiti, kafedranın dosenti Nəzakət İmamverdiyeva, Nərminə Mirzəliyeva və Səbinə Cəfərovanın həmmüəllifi olduqları “Yeniyetmə və gənclərin asudə vaxtının təşkili” adlı dərs vəsaiti, professor  Hikmət Əlizadə və dosent Nəzakət İmamverdiyevanın müştərək əməyinin məhsulu olan  “İdrak fəallığı və onun həyata keçirilməsi yolları” adlı metodik vəsait sərgidə nümayiş olunub.