Bakı Dövlət Universiteti Sosial elmlər və psixologiya fakültəsi

Bakı Dövlət Universitetinin Sosial Elmlər və Psixologiya fakültəsinin Tələbə Elmi Cəmiyyətinin təşkilatçılığı ilə 02.04.2021 tarixində “Zamana Qarşı” adlı intellektual yarışın ilk mərhələsi keçirilib. Tədbiri çıxış sözü ilə TEC sədri Zeynəb Rəşidova açaraq yarış iştirakçılarını salamlayıb uğurlar arzulayıb. Sonra yarışı keçirmək və sualları səsləndirmək üçün söz Psixologiya ixtisasının II kurs tələbəsi TEC idarə heyətinin üzvi Lamiyə Müzəffərliyə verilib. 21 sualdan ibarət olan ilk mərhələ üç tələbənin daha aktiv iştirakı və fərqlənməsiylə yekunlaşıb. Sonda tələbələr yarışla bağlı xoş təəssüratlarını paylaşıb bu cür yarışların tez-tez keçirilməsini xahiş ediblər.