Bakı Dövlət Universiteti Sosial elmlər və psixologiya fakültəsi

Bakı Dövlət Universitetinin Sosial Elmlər və Psixologiya fakültəsinin Fəlsəfə kafedrasının müəllimi f.ü.f.d. Nərgiz Məcidova Rusiyada Ufa Dövlət Neft və Texniki Universitetinin təşkilatçılığı ilə keçirilən “Rəqəmsal cəmiyyət sosiomədəni fenomen kimi” Beynəlxalq elmi-praktiki seminarında iştirak edib. N.Məcidova “Rəqəmsal texnologiyalar dövründə transformasiya problemi” mövzusunda məruzə edib. Çıxışda rəqəmsal texnologiyaların təsiri nəticəsində insan orqanizminin xarici görünüşündə, onun düşüncə və şüurunda dəyişikliklər yaradan çoxsaylı transformasiya hallarının yaranması barədə məlumat verilib.