Bakı Dövlət Universiteti Sosial elmlər və psixologiya fakültəsi

BDU-nun Sosial iş kafedrasının dəvətilə DOST İnkluziv Yaradıcılıq və İnkişaf Mərkəzinin direktoru Pərvinə İsmayılova sosial iş ixtisasında təhsil alan tələbələrlə görüşüb. O,  mərkəzin fəaliyyət məqsədi, iş prinspləri ilə bağlı tələbələrə məlumat verib. Görüş zamanı P.İsmayılova bildirib ki,  mərkəzdə könüllü kimi praktika keçmək üçün hər bir şərait vardır.

BDU-nun sosial iş ixtisasında təhsil alan tələbələrin bir qisminin mərkəzdə könüllülük proqramında fəal iştirak edərək sertifikatlar aldığını deyən P.Ismayılova  ötən il 4-cü kursda təhsil alan tələbələrdən bəzlərinin işə qəbul edildiyini bildirib. Görüşün sonunda tələbələri maraqlandıran suallar cavablandırılıb, könüllülük proqramı ilə bağlı müraciətlər qəbul edilib.