Bakı Dövlət Universiteti Sosial elmlər və psixologiya fakültəsi

Bakı Dövlət Universitetinin Sosial elmlər və psixologiya fakültəsinin Psixologiya kafedrasının müdiri, dosent, psixologiya üzrə fəlsəfə doktoru Səxavət Əliyeva 24 oktyabr tarixində “Ankara Sosial Bilimler Üniversitesi”ndə səfərdə olub. Səfərdə Səxavət Əliyeva universitetin Rektoru Prof.Dr Musa Kazım Arıcan ilə görüşüb. Səxavət Əliyeva görüşə Bakı Dövlət Universitetinin rektoru cənab Elçin Babayevin tövsiyəsi ilə gəldiyini bildirib və rektorun salamlarını çatdırıb. Görüşdən sonra kafedra müdiri “Ankara Sosial Bilimler Üniversitesi”nin “Sosial ve Beşeri Bilimler Fakültesi Psikoloji Bölümü”ndə olub, həmin universitetin magistratura və bakalavr pilləsində keçirilən dərslərin metodları ilə yaxından tanış olub. Psixologiya bölümü ilə gələcək əməkdaşlıqla bağlı fikir mübadiləsi aparılıb. Bölüm rəhbəri, rektor köməkçisi Prof.Dr Hakan Türkçapar simpoziumda olduğu üçün görüşdə iştirak edə bilməsə də, kafedra müdiri Səxavət Əliyeva aparıcı professor Dr.Sedat Batmazla görüşüb. Görüşdən xatirə şəkilləri çəkilib.