Bakı Dövlət Universiteti Sosial elmlər və psixologiya fakültəsi

22.05.2024-cü il tarixində Bakı Dövlət Universiteti (BDU) Sosial elmlər və psixologiya və Filologiya fakültələri Tələbə Gənclər Təşkilatlarının birgə təşəbbüsü ilə Azərbaycanın görkəmli şairi Nəbi Xəzrinin 100 illiyinə həsr olunmuş poeziya gecəsi keçirilib. Sosial elmlər və psixologiya fakültəsinin dekanı Rövşən Cavadov tədbiri giriş sözü ilə açıq elan edərək görkəmli şairin həyat və yaradıcılığı haqqında tələbələrə ətraflı məlumat verib.

Daha sonra Filologiya fakültəsi Azərbaycan ədəbiyyatı tarixi kafedrasının əməkdaşı Yeganə Xanlarova çıxış edərək Nəbi Xəzri yaradıcılığının özünəməxsus xüsusiyyətlərindən, şairin həyat və yaradıcılığından söz açıb.

Əminə Allahverdiyeva və Aydan Nemətovanın  aparıcısı olduğu tədbir bədii hissə ilə davam edib. Belə ki, tələbələr -  Aysu Türkel "Dəniz, göy, məhəbbət", Zemfira Babayeva "Mənim ürəyim"  şeirlərini səsləndirib.

Sosial elmlər və psixologiya fakültəsinin tələbələri Aidə Qarayeva və Ağababa Babayev sözləri Nəbi Xəzriyə məxsus olan "Azərbaycan" mahnısın ifa ediblər, Korreksiyaedici təlim ixtisasının I kurs tələbəsi Fidan Zamanovanın ifasında nümayiş olunan milli rəqslə tədbirin bədii hissəsi sona çatıb.