Bakı Dövlət Universiteti Sosial elmlər və psixologiya fakültəsi

Sosial elmlər və psixologiya fakültəsinin Tələbə Həmkarlar İttifaqı Komitəsinin təşkilatçılığı ilə "Novruz milli bayramımızdır" adlı tədbir keçirilib. Komitənin fakültə üzrə sədri Rza Bağırov tədbiri açıq elan edib, Novruz bayramı münasibətilə səmimi qəlbdən diləklərini və təbriklərini çatdırıb. Daha sonra dekan Rövşən Cavadova söz verilib və o, Novruz bayramının xalqımızın həyata nikbin baxışının, təbiətin və insanlığın qələbəsinə böyük inamının bayramı olduğunu vurğulayıb. Daha sonra isə Tələbə Həmkarlar İttifaqı Komitəsinin sədri Hacıbaba Mustafayevə söz verilib. Novruzun dünyanın ən qədim, ən müdrik həmçinin , xalqımızın bütün varlıqlarını özündə cəmləşdirən rəngarəng bayram olduğunu bildirib. Tədbirdə dekan müavinləri Daxil Vəliyev və Nəzakət Kərimova da iştirak ediblər.Tədbirdə tələbələr Xədicə Bayramlı və İbrahim Məhərrəmov xalqımızın milli bayramının tarixi, adət-ənənələri haqqında geniş məlumatları təqdim ediblər. Bu müddət ərzində Novruzun məşhur personajları olan Kosa və Keçəldən ibarət səhnəcik də əks olunub. RollarıErkin Kərimov, Uğur Məmmədzadə, Nəzrin Aslanova, Sevinc Şuşa, Şəfiqə Rzayeva, Lamiyə Vəlizadə və Fidan İsmayılova ifa ediblər.

Daha sonra Azərbaycan Respublikasının Prezidenti, Ali Baş Komandan İlham Əliyevin Şuşada milli-mənəvi dəyərlərimizi özündə təcəssüm edən Novruz bayramı haqqında məlumatları özündə əks etdirən video-çarx nümayiş olunub. Sonda isə Sima Məlikova "Novruz gəlir" mahnısı ilə tədbirə yekunlaşdırıb

Onu da qeyd edək ki, tədbirdə xüsusi əməyi keçən tələbələr BDU THİK Sədri Hacıbaba Mustayev tərəfindən təltif edilib.