Bakı Dövlət Universiteti Sosial elmlər və psixologiya fakültəsi

Bakı Dövlət Universitetinin (BDU) Sosial elmlər və psixologiya fakültəsi Pedaqogika kafedrasının dosenti, əməkdar müəllim Səfurə Allahverdiyeva Media Araşdırma Mərkəzi və Azərb. KİVİHİ tərəfindən elm və təhsil sahəsində göstərdiyi peşəkar xidmətlərinə görə “Şərəfli ömür yolu” Media mükafatı ilə təltif olunub. Mükafatın təqdimetmə mərasimində fakültənin dekanı Rövşən Cavadov, Pedaqogika kafedrasının müdiri Ləzifə Qasımova, professor Nübar Muxtarova və digər əməkdaşlar iştirak ediblər. R.Cavadov və kafedranın əməkdaşları (Nəzakət İmamverdiyeva, Gülarə Kərimova, Vəfa Çıraqova, Şəhla Hüseynova, Nərminə Mirzalıyeva) çıxış edərək bütün həyatını təhsilə və elmə həsr edən əməkdar müəllim Səfurə Allahverdiyevanı təbrik edib, ona gələcək elmi və tədris fəaliyyətində daha böyük uğurlar arzulayıblar. Müəllimimizi təbrik edirik!