Bakı Dövlət Universiteti Sosial elmlər və psixologiya fakültəsi

Bakı Dövlət Universiteti (BDU) Sosial elmlər və psixologiya fakültəsinin könüllülərinin təşkilatçılığı ilə 10 May - Psixoloqlar gününə həsr edilmiş "Psixoloqlarımız indi haradadır? adlı tədbir keçirilib.

Tədbirdə Təhsildə Sosial Psixoloji Xidmət ixtisasının II kurs tələbəsi, SEP Könüllülərinin sədri Sevil Nəsirova və fakültənin müxtəlif ixtisaslarında təhsil alan tələbələr iştirak ediblər. Nuranə Fətullayeva, Qumru Qənbərova, Alsu Nuruyeva, Xədicə Məmmədova, Zəhra Qədirzadə, Xanım Məmmədova, Hüseyn Əliyev, Kənan Neymətzadə, Jalə Bağırzadə, Teyyub Məmmədzadə, Nərmin İmranlı və başqaları çıxış edərək psixologiya elminin müasir inkişaf xüsusiyyətlərindən danışıblar. Tələbələr Respublikamızdakı psixoloji yardım mərkəzləri və klinikalarda fəaliyyət göstərən psixoloqlara “Psixologiya günü” münasibəti ilə təbrik ünvanlayıblar. Çıxışçılar həmçinin özlərinin gələcək peşə fəaliyyətlərində əldə edəcəkləri uğurlardan danışıblar. Qazanacaqları nailiyyətlərin bu gün əldə etdikləri elmi biliklərdən asılı olduğunu qeyd ediblər.

Tədbirin sonunda tələbələr bir-birindən maraqlı musiqi nömrələri ilə çıxış etdilər. Sonda könüllülərin iştirakı ilə "Yaşa, mənim xalqım" mahnısı ifa olunub.