Bakı Dövlət Universiteti Sosial elmlər və psixologiya fakültəsi

Qazaxıstan Abay Universitetinin Pedaqogika kafedrasının müdiri, pedaqoji elmlər doktoru, professor Şolpan Kolumbayeva Jaksybaevna və həmin universitetin professoru, Abay Universitetinin Elmi Şurasının katibi Absətova Mərfüqa Absatovna Bakı Dövlət Universitetinin (BDU) Sosial elmlər və psixologiya fakültəsində olublar. Qonaqlar sonra Pedaqogika kafedrasınının professor-müəllim heyəti ilə görüşüblər. Görüş zamanı qonaqlar Pedaqogika kafedrasının professor-müəllim heyəti ilə  elmi-tədqiqat sahəsində əməkdaşlığa dair müzakirələr aparıblar. Hər iki ali məktəbdə fəaliyyət göstərən pedaqogika kafedraları arasında əməkdaşlığın genişləndirilməsi istiqamətində fikir mübadiləsi aparılıb. Pedaqogika kafedrasının müdiri prof. Ləzifə Qasımova Şolpan Kolumbayeva ilə birgə gələcəkdə həyata keçririlməli olan tədbirlər haqqında müzakirələr aparıblar. Qonaqlara Pedaqogika kafedrasının əməkdaşlarının son illərdə nəşr etdirdikləri kitablar hədiyyə edilib. Qazaxstanlı alimlər Sosial elmlər və psixologiya fakültəsinin dekanı Rövşən Cavadova və Pedaqogika kafedrasının müdiri Ləzifə Qasımovaya səmimi qarşılandıqları üçün minnətdarlıqlarını ifadə ediblər.