Bakı Dövlət Universiteti Sosial elmlər və psixologiya fakültəsi

Sosial iş kafedrasında “Şəhid ailələri və qazilərlə sosial işin xüsusiyyətləri” mövzusunda  elmi seminar keçirilib. Seminarda dosent Rəna Məmmədova məruzə ilə çıxış edib. Məruzədə aşağıda  sadalanan məsələlər haqqında zəngin məlumat təqdim olunub:

1. Sosial işin metodlari və texnologiyalari. Əsas anlayışlar 
2. Şəhid ailələrinin durumu
3. Müasir Azərbaycan  cəmiyyətində qazilərin vəziyyəti və üzləşdiyi problemlər
4. Sosial iş prizmasindan şəhid ailələrinə və qazilərə dəstəyin məzmunu

Məruzəçi Şəhid adının əbədiləşdirilməsi və şəhid ailələrinə edilən güzəştlər, Dövlət Sosial Müdafiə Fondunda şəhid ailələri və müharibə iştirakçıları ilə bağlı işçi qrupun yaradılması, Şəhid ailələri və qazilərə vahid məkandan xidmət göstərəcək qurumlar üzrə Əlaqələndirmə Komissiyasının fəaliyyəti və s. haqqında  ətraflı məlumat ilə  çıxış edib.

Allah şəhidlərimizə rəhmət eləsin!