Bakı Dövlət Universiteti Sosial elmlər və psixologiya fakültəsi

Sosial elmlər və psixologiya fakültəsinin bir qrup tələbə və magistrantları Azərbaycan Respublikasının suverenliyi və ərazi bütövlüyü uğrunda gedən döyüşlərdə həlak olmuş əsgər və zabitlərimizin dəfn olunduğu II Fəxri Xiyabanı ziyarət ediblər. Tələbə gənclər 44 günlük Vətən Müharibəsi və lokal antiterror əməliyyatı zamanı canı, qanı bahasına suverenliyimizi təmin edən, öz qəhrəmanlıqları ilə tarix yazan vətənpərvər oğullarımızın məzarları önünə tər güllər düzüblər. Tələbə gənclər Azərbaycan bayrağını işğaldan azad edilən torpaqlarımızda dalğalandıran fədakar şəhidlərimizin xatirəsini daim uca tutacaqlarına söz veriblər.