Bakı Dövlət Universiteti Sosial elmlər və psixologiya fakültəsi

Bakı Dövlət Universitetinin (BDU) Sosial elmlər və psixologiya fakültəsinin Təhsildə sosial psixoloji xidmət, Psixologiya, Sosial iş və Fəlsəfə ixtisaslarında təhsil alan tələbələr 29 oktyabr 2023-cü il tarixində Türkiyəli uzman klinik psixoloq Tuna Tünerin “Köklərimiz mirasımızdır” adlı elmi seminarında iştirak ediblər.

Tuna Tüner seminarda ailədaxili münaqişələr, ailə travmaları, keçmişdə baş vermiş travmalar, bolluq, firavanlıq və qıtlıq düşüncəsi haqqında məsələlər barədə seminar iştirakçılarına məlumat verilib. Təlimdə daha çox diqqəti çəkən məqamlardan biri də, zalda əyləşən şəxslərlə aparılan canlı terapiyalar olmuşdur.Zalda əyləşən könüllülərin iştirakı ilə ,müxtəlif travmalardan əziyyət çəkən, öz xarakterində uyğun görmədiyi davranışlardan şikayətçi olan bir çox şəxs T.Tünerin zalda həyata keçirdiyi Ailə dizimi terapiyası sayəsində özündə yüngüllük və rahatlıq hiss etdiklərini qeyd etdilər. T.Tüner öz iş praktikası və şəxsi təcrübələrini tələbələrlə bölüşüb. Tədbirdən sonra müəllifin iştirakı ilə “Köklerimiz mirasımızdır” adlı kitabının imza mərasimi keçirildi. “Köklerimiz mirasımızdır” adlı seminarda iştirak etdiklərinə görə fakültənin 80 nəfər tələbəsinə sertifikatlar təqdim olunub. Seminardan tələbələrimiz müsbət təəssüratlarla ayrılıblar.