Tələbələr “Xəmsə” yarışmasında iştirak edib
25 oktyabr 2024-cü il tarixində Bakı Dövlət Universitetinin “Tələbə Elmi Cəmiyyəti” və You Will Speak dil kursunun birgə təşkilatçılığı ilə ingilis dilində keçirilən rəngarəng və bilik dolu “Xəmsə” yarışması baş tutdu. Tələbələr üç müxtəlif komandaya bölünərək həm açıq, həm də qapalı suallara cavab verərək biliyini sınadılar. Yarışın gedişində iştirakçılar tarixdən, ədəbiyyatdan və müxtəlif elmi sahələrdən gələn sualları cavablandıraraq komanda ruhunun gücünü ortaya qoydular.
Yarışın sonunda, You Will Speak kursu tərəfindən qalib komandaya 20% endirim imkanı ilə yanaşı, bütün iştirakçılara 1-ci, 2-ci və 3-cü yerləri təsdiqləyən sertifikatlar təqdim olundu. Bu, tələbələrin həm intellektual inkişafına, həm də komanda işinin əhəmiyyətini anlamağa xidmət edən maraqlı bir tədbir olaraq yadda qaldı.
