TƏLƏBƏLƏRİMİZ MÜKAFATLANDIRILIB
Bakı Dövlət Universitetində (BDU) 2 fevral - Azərbaycan Gəncləri Gününə həsr olunmuş tədbir keçirilib. Tədbirdə tədris göstəricilərinə görə fərqlənən və BDU-nun ictimai həyatında fəal iştirak edən 34 tələbəyə, BDU-nun gənclər təşkilatlarının 20 üzvünə təşəkkürnamələr təqdim olunub. Sosial elmlər və psixologiya fakültəsinin iki nəfər tələbəsi fərqlənənlər içərisində olub. Onlardan Sosial iş ixtisası, 1691 a qrup tələbəsi Səidə Eyyub qızı Muradlı fakültə üzrə Ümumi Orta Müvəffəqiyyət Göstəricisi ən yüksək olan tələbəmizdir. Korreksiyaedici təlim ixtisasının birinci kurs tələbəsi Zamanova Fidan Daşqın qızı Bakı Dövlət Universitetinin və fakültənin ictimai həyatında fəal iştirak edən tələbələrimizdəndir. Hər iki tələbəmizi təbrik edir, onlara təhsil və ictimai fəaliyyətlərində uğurlar arzu edirik!
