Bakı Dövlət Universiteti Sosial elmlər və psixologiya fakültəsi

Sosial iş kafedrasının dəvətilə BMT-nin Qaçqınlar üzrə Ali Komissarlığının Azərbaycandakı Nümayəndəliyinin Hüquq şöbəsinin mütəxəssisi Sənan Hacıyevin Sosial iş ixtisasında təhsil alan tələbələr üçün “Qaçqınlarla sosial iş”, “Miqrantlarla sosial iş” fənləri çərçivəsində ustad dərsi keçirilib. Dərs zamanı qaçqın və miqrantlarla işin mahiyyəti, mexanizmi, qaçqınlar və sığınacaq axtaranlar, sığınacaq prosedurları, qaçqınların və sığınacaq axtaranların hüquq və vəzifələri ilə bağlı ətraflı məlumat verilib, sonra sosial işçi tələbələri maraqlandıran sualları cavablandırıb. Sosial iş kafedrasının müdiri dosent Üzeyir Şəfiyev bildirib ki, mövzunun əhatə dairəsi, aktuallığını, tələbələrin marağını nəzərə alaraq belə ustad dərsləri davamlı olacaq.