Xarici müəllimlər fakültədə qonaq olublar
Şərəf Rəşidov adına Səmərqənd Dövlət Universitetinin Psixologiya və sosial münasibətlər fakültəsinin dekanı İsabəy Şermanov və həmin universitetin Ümumi psixologiya kafedrasının müdiri Obid Kodirov 05.07.2022-ci ildən 12.07.2022-ci il tarixədək Bakı Dövlət Universitetində ezamiyyətdə oublar.
Qonaqlar BDU-nun Elm və innovasiyalar üzrə prorektoru Hüseyn Məmmədovla görüşüblər. Səmərqəndli alimlər daha sonra Sosial elmlər və psixologiya fakültəsinin dekanlığında olub, fakültə rəhbərliyi və kafedra müdirləri ilə təcrübə mübadiləsi haqqında, habelə elmi-pedaqoji əməkdaşlığın müxtəlif istiqamətləri üzrə müzakirələr aparıblar.
Özbəkistanlı qonaqlar daha sonra fakültənin struktur bölmələri ilə tanış olub, Fəlsəfə tarixi və mədəniyyətşünaslıq, Fəlsəfə və Psixologiya kafedralarının əməkdaşları ilə gələcək elmi əməkdaşlığın istiqamətləri üzrə müzakirələr aparıblar.
Sonda qonaqlar səmimi qarşılandıqlarına və qonaqpərvərliyə görə Sosial elmlər və psixologiya fakültəsinin dekanlığına və fakültənin struktur rəhbərlərinə minnətdarlıqlarını ifadə ediblər.
