YENİ İLİN PSİXOLOJİ TƏHLİLİ” ADLI ESSE MÜSABİQƏSİ KEÇİRİLİB
Bakı Dövlət Universitetinin (BDU) Sosial elmlər və psixologiya fakültəsinin Tələbə Elmi Cəmiyyəti tərəfindən 04.12.2024-cü il tarixində elan edilən “Yeni İlin Psixoloji Təhlili” adlı esse müsabiqəsi başa çatıb. Müsabiqənin məqsədi Yeni ilin mənəvi və psixoloji təsirlərini təhlil etməkdən və tələbələrin sərbəst yazı qabiliyyətlərini inkişaf etdirməkdən ibarət olub.
Tələbə Elmi Cəmiyyətinin sədri Seyidfatimə Abbasova müsabiqənin nəticələri haqqında məlumat verib. O, bildirib ki, psixologiya ixtisası üzrə 1728 C qrup tələbəsi Xədicə Abdulhəmidlinin yazdığı esse mövzunu dərinliklə əks etdirdiyi üçün fərqlənib.
Xədicə Abdulhəmidli essedə Yeni ilin insan həyatındakı mənəvi və psixoloji əhəmiyyətini araşdırıb, müxtəlif mədəniyyətlərdə Yeni il ənənələrini təhlil edib, bu hadisənin kollektiv birliyi gücləndirən universal fenomen kimi qiymətləndirib.
Tələbəmizi təbrik edirik!